Monday, April 30, 2012

Malolos kinakapos ng tubig dahil sa init


Dahil daw sa tindi ng init  naapektuhan ang aquifer o tubig sa ilalim ng lupa ang Bulacan partikular na sa Malolos.

Ayon Malolos City Water District inuulan na sila ng reklamo mula sa mga residente dahil sa kawalan ng tulo ng tubig sa gripo.

Sa baranggay San Pablo, may dalawang linggo na daw na walang lumalabas na tubig mula sa gripo.

Reklamo nina Andrea Cruz at Isabelita Caparaz, sa hatinggabi lamang sila nakakakuha ng tubig mula sa gripo ngunit mahina pa.

Dahil dito, umiigib na lamang sila sa mga poso.

Paliwanag ni Engr. Elmer Magaling, engineering head ng MWD, bumaba ang aquifer sa naturang lugar dahil sa init ng panahon.

Hindi naman daw makinarya nila ang may problema kundi ang water table mismo.

Giit pa ni Magaling, dahil sa tag-init ay naapektuhan na ang mga deep well sa Malolos.

Maging ang mga bayan ng Sta. Maria, Baliuag, Bulakan, at Hagonoy ay ganito na rin ang sitwasyon sa Bulacan.

Paliwanag ni Magaling, dati ay nakakakuha na sila ng tubig sa lalim na 101 meters ngunit ngayon daw ay karaniwan na 140 meters na lalim bago pa sila makakuha ng maayos na tubig.

Bukod dito ay problema na rin daw nila ang pagpasok ng alat sa aquifer at iron manganese.

Epekto nito ay nakakabara ito sa mga tubo ng tubig kayat nakakapagpabagal din ng supply, dahil sa mahina na ang mga balong ng tubig sa Bulacan.

Ayon kay Magaling, umaabot na nasa 30% na ang inihina ng ground water sa Malolos.

At sa pagpasok ng summer season, ininda nila ang aquifer na bumagsak ng tatlong metro ang lalim ng tubig.

At kung tatagal pa daw ang summer ay lalo pa nilang iindahin ang problemang ito.

Sa katunayan aniya ay unti unti na rin silang nag-aadjust ng mga water pumps sa ibat-ibang lugar sa Malolos upang makakuha ng sapat na tubig.

Dapat aniya ng mga proyektong tree planting sa kapatagan na kung sakaling pumasok ang tag-ulan ay mareplenish ang mga tubig sa ilalim ng tubig.

Kung maisusulong daw sana ang Angat Water Project ay malaking tulong sa supply ng tubig sa Bulacan.(Rommel Ramos)

Sunday, April 29, 2012

DOST confers 2012 environmental science award to Virginia Castillo-Cuevas


By: Allan Mauro V.Marfal, S&T Media Service

The Department of Science and Technology’s advisory body, the National Academy of Science and Technology (DOST-NAST) conferred the 2012 Hugh Greenwood Environmental Science Award to Dr. Virgina Castillo-Cuevas for her significant contributions in the development of technologies leading to agricultural sustainability that contributed to environmental conservation and protection.

Dr. Cuevas, professor and scientist at University of the Philippines- Los Banos (UPLB), was awarded last April 23, 2012 at the Hyatt Hotel and Casino, Ermita, Manila.

Dr. Cuevas was recognized by the Academy for developing composting technology using Trichoderma harzianum Rifai Activator, which was specifically used as an inoculant in the in-situ composting technology that significantly improved growth performance of the biofuel crop Jatropha curcas.

The composting technology, which can also decontaminate copper-contaminated soils with mine tailings, was used in the rehabilitation of the agricultural lands damaged by mine tailings in Mankayan, Benguet and Cervantes, Ilocos Sur.

The technology also develops Trichoderma microbial inoculants (TMI) for vegetables and other upland crops as biofertilizer, biological control agent, crop promoter, and as activator for composting which not only raised productivity but also of great benefit to the environment.

Dr. Cuevas received a plaque of recognition from the Academy and US$ 1,000 from Dr. Hugh Greenwood himself through the NAST Foundation and former NAST President, Academician Perla D. Santos Ocampo.

This annual Hugh Greenwood award  honors outstanding scientific and technological researches that contribute to environmental protection and conservation.  Accordingg to DOST-NAST, the rapid pace of environmental degradation and the eventual depletion of natural resources made it necessary that the remaining resources be used wisely and that pollution and contaminations be prevented for the benefit of the present and future generations.

Friday, April 27, 2012

Alvarado, pinagkalooban ng 2012 Father Neri Satur Environment Award



 LUNGSOD NG MALOLOS- Tumanggap si Bulacan Gob. Wilhelmino M. Sy-Alvarado ng 2012 Father Neri Satur Award for Environmental Heroism sa ginanap na awarding ceremony sa National Broadcasting Network, Quezon City noong Abril 23, 2012 para sa kanyang Angat Dam reservation development program.

Ang nasabing gawain ay isa sa mga pangunahing aktibidad para sa Earth Day Celebration na may temang “Year for Sustainable Energy and Cooperatives.”

Sa kategoryang Disaster Risk Reduction and Management, pinarangalan ang Angat Dam management ng Bulacan dahil sa maagap na rehabilitasyon nito upang maiwasan ang tuluyang pagkasira ng dam na maaaring magdulot ng malawakang pagbaha sa lalawigan at katabing lugar.

“Alam kong marami pa ang dapat gawin. But this award will inspire all of us para lutasin ang anumang suliranin na darating sa aming lalawigan. Ito ay hindi lamang aking karangalan kundi karangalan din ng buong Bulacan. We are very thankful that they recognized our advocacy on the preservation of the environment,” ani Alvarado.

Nakatanggap din ng parehong parangal ang Baliuag University para naman sa kategoryang Carbon Footprints: Green Building and Energy Conservation (educational system).

Tinaguriang kauna-unahang gusali na energy sufficient sa Bulacan, ang apat na palapag na  Information Technology (IT) building sa BU ay solar-powered na lumilikha ng 85% kuryente na kailangan ng gusali at mayroon ding sariling rain water harvest facility na nagsu-suplay ng tubig. Bukod pa dito, ang ginamit na pintura ay nakababawas ng polusyon at volatile organic compounds.

Samantala, ang mga pinarangalan ay nakatanggap ng tropeong AbdulMari Imao mula sa organizing committees na pinamumunuan nina Earthsavers Founder at  Climate Change Commissioner Heherson Alvarez at Department of Environment and Natural Resources (DENR) Secretary at UNESCO Commissioner Ramon Paje.

 “The 2012 awardees is a group of men and women, institutes and corporations who have truly made a difference in the quest for a greener environment and in the struggle against climate change,” ani Paje.

Ang Father Neri Satur Award for Environmental Heroism ay programa ng Climate Change Commission, UNESCO, Philippine National Commission for Culture and the Arts, (NCCA), at ng Earthsavers Movement. Ito ay ipinangalan sa yumaong pari, environmentalist at forest ranger na pinaslang ng mga hinihinalang illegal logger sa kagubatan ng Bukidnon noong 1991.

Saturday, April 21, 2012

Search for best biodiversity and climate change reporting is on




The hot issue of biodiversity and climate change will receive a much-needed public awareness boost when the ASEAN Centre for Biodiversity (ACB), the Deutsche Gesellschaft für Internationale Zusammenarbeit (German Agency for International Cooperation) or GIZ, and the Philippine Press Institute (PPI) launch the special award on “Best in Biodiversity and Climate Change Reporting” at the 16th National Press Forum on April 24 at Traders Hotel Manila. The launch of the special award will be announced at the press forum by Rolando Inciong, head of ACB’s Communication and Public Affairs.

“The relationship between biodiversity and climate change cannot be translated into a gut issue that the man on the street will understand without the help of media, especially the newspapers. GIZ and ACB recognize media’s significant role as a partner in demystifying biodiversity and promoting the link between biodiversity and climate change and highlighting their importance to humans,” Dr. Berthold Seibert, Project Manager of the ACB-GIZ Biodiversity and Climate Change Project, said.

In recognition of media’s key role in generating a greater awareness of biodiversity, ACB and GIZ will partner with the PPI for the special award, which will be part of the 2012-2013 Civic Journalism Community Press Awards. Hosted by PPI and The Coca-Cola Export Corporation, the awards is an annual event that aims to recognize community papers excelling in the field of civic journalism. There are six existing categories: Best in Business and Economic Reporting, Best in Science and Environmental Reporting, Best in Photojournalism, Best Editorial Page, Best Edited Paper, and Best in Culture and Arts Reporting.

For the past two years, ACB has been supporting the awards by serving as judge in the Best in Science and Environmental Reporting category. For 2012-2013, ACB and GIZ, through the Biodiversity and Climate Change Project, will launch a special awards category: Best in Biodiversity and Climate Change Reporting.

“By opening this special category, ACB, GIZ and PPI will recognize the efforts of community journalists who have taken the initiative to educate more people about biodiversity and climate change,” Mr. Rodrigo U. Fuentes, executive director of ACB, said.

By partnering with PPI on the awards, ACB and GIZ seek to “form a cadre of journalists who will become active partners in promoting the link between biodiversity and climate change through their reportage. Communicating biodiversity and climate change is a daunting task. While successes have been achieved on some fronts, a lot of communication gaps still need to be filled. This award is a step toward bridging those gaps,” Director Fuentes explained.

Tuesday, April 3, 2012

Makibaka para sa proteksyon sa kalikasan, ani ng dating punong mahistrado



MALOLOS—Alinmang bansa ay hindi makakaiwas sa sa trahedyang hatid ng kalamidad kung hindi kikilos at makikipabaka para proteksyunan ang kalikasan.

Ang higit na nakahihindik ay pinasalang ihahatid ng mga trahedya sa mga tao at batay sa pagtaya, mas maraming buhay ang masasawi sa mga kalamidad kumpara sa nakitil sa dalawang digmaang pandaigdig.

Sa kanyang talumpati sa mga mag-aaral ng Bulacan State University (BulSU), sinabi ni dating Punong Mahistrado Reynato Puno na ang pinakamalaking pakikibakang hinaharap ng sangkatauhan ay hindi ang mga digmaan, sa halip ay ang pangangalaga sa kalikasan.

“Ako ay naniniwala na ang pinakamahalagang pakikibaka natin ngayon  ay ang pakikibaka upang proteksiyunan ang kalikasam,” ani Puno sa kanyanhg talumpati sa ikalawang taong pagkakatatag ng BulSU Biak-na-Bato Rainforestation program noong Martes, Marso 27.

Ipinaliwanag niya na ang kalaikasan ay dapat pangalagaan sapagkat maarami ang maaapektuhan ng pagpapabaya dito, katulad ng karapatan ng tao na mabuhay, karapatan na makainom ng malinis na tubig at makalanghap ng malinis na hangin.

“Ang pakikibaka na ito ay siyang may pinakamalawak na larangan ng pagtutunggali sapagkat lahat ng bansa sa mundo ay hindi makakaiwas dito,” sabi ni Puno.

Iginiit pa niya na kung hindi kikilos ang bansa at mamamayan, mas marami sa mga buhay na nakitil sa dalawang digmaang pandaigdig ang masasawi sa mga kalamidad na dulot ng hagupit ng kalikasan.

Para kay puno, ang pagpapahiwatig ng posibilidad ng poinsalang ito sa buhay ng tao ay hindi pananakot, sa halip ay isang pagtawag pansin sa mga namumuno dahil sa nakahihindik na kalagayan ng kapalaigiran at kalikasan, partikular na sa Pilipinas.,

Ayon sa dating Punong Mahistrado, ang Pilipinas ay isang hotspot at megadiversity area kaya’t kailangang pangalagaan.

“The country’s forests are habitat for more than 6,000 plant species and numerous bird and animal species, including the endangered Philippine Eagle and the Visayan warty pig.  Forests also serve as home to some 12-Million indigenous peoples.  However, despite, or perhaps because of the richness and importance to people, forests face continuing destruction,” ani Puno.

Idinagdag pa niya na ang Pilipinas ay isa sa mga bansang mabilis ang pagkaubos ng kagubatan, at ito ay pang-apat sa 10 pangunahing bansa na may threatened forest hotspots.

“If deforestation rate of 157,400 hectares per year continues, the country’s remaining forest cover will be wiped out in 40 years,” he aniya at binigyang diin na ang sukat ng kagubatang nakakalbo sa bansa bawat taon at dalawang beses ang laki kumpara sa lupain ng kalakhang Maynila.

Bilang isang environment advocate, ipinaliwanag niya na ang pag-abuso sa kalikasan ay magbubunga ng kalamidad at trahedya katulad ng naganap sa Lungsod ng Ormoc noong Nobyembre 5, 1991 kung saan halos 8,000 katao ang nasawi; at sa mga lungsod ng Cagayan De Oro at Iligan nitong nakaraang Disyembre na kumitil  sa daan daang katao.

Sa kabila, naniniwala ang dating Punong Mahistrado na ang mga trahedya at kalamidad ay maiiwasan.

Hinikayat niya ang bawat isa na makilahok sa pakikibaka  sa pagbibigay proteksyon sa kaliksan at sinambit ang minsay sinabi ni dating Pangulong Abrahan Lincoln ng Estados Unidos na nagsabing, “you cannot escape the responsibility of tomorrow by evading it today.”

Nanawagan din siya sa bawat isa na maging bayani para sa kalikasan at sinabing “let us remember that nothing heroic is accomplished by those who give up.”

Para naman kay Gob. Wilhelmino Alvarado, ang pangangalaga sa kalikasan ay nangangailangan ng mabilis na pagkilos.

Inihalimbawa niya ang pagpapasara sa isang planta sa bayan ng Guiguinto na lumabag sa mga batas pangkalikasan at utos ng kapitolyo at Environmental Management Bureau in Central Luzon.

Hinggil sa pamamahala ng dam, sinabi ng gobernador na kailangang magkaroon ng pananagutan ang mga taong namamahala sa mga ito.

Binanggit din niya na kasalukuyang isinusulong sa Kongreso ng kanyang maybahay  na si Kint. Marivic Alvarado ang National Dam Safety Law (Dino Balabo)

Monday, April 2, 2012

EARTH HOUR: Iligtas ang mundo, magtipid sa kuryente



HAGONOY, Bulacan – Dahil sa pananakit ng sikmura, mahigit isang linggong hindi bumababa mula sa ikalawang palapag ng kanyang bahay si Hermogena “Lola Momeng” Crisostomo, 86, ng Barangay San Jose ng bayang ito na matatagpuan sa baybayin ng Look ng Maynila.

Ito ay dahil sa palaging lubog sa high tide ang silong ng kanilang bahay, na ayon sa kanya ay ugat ng kanyang pagkakasakit matapos lumusong sa tubig isang umaga na hindi pa nakakainom ng mainit na kape.

“Araw-araw, ganya dito, laging lubog,” aniya habang nakaupo sa hagdan ng bahay at itinuturo ang nakalubog ng maaliwalas na silong dahil ang mga gamit doon ay pawang nakasabit sa mga tahilan o pamakuan ang ng sahig ng ikalawang palapag ng bahay upang di mabasa ng tubig na tumataas mula sa dagat.

Si Lola Momeng ay isa lamang sa daan libong residente ng mga bayan sa baybayin ng Look ng Maynila na nagdurusa sa araw-araw dahil sa hightide.

Ayon sa mga dalubhasa, isa ito sa malinaw na epekto ng climate change o pagbabago ng klima ng mundo na nais tugunan ng taunang pagsasagawa ng kampanyang Earth Hour na tinatampukan ng isang oras na di paggamit ng kuryente.

Layunin ng taunang kampanya na higit na maipaunawa sa bawat mamamayan ang kahalagahan ng pagtitipid sa paggamit ng kuryente upang ang mga plantang pinagkukunan nito, partikular na ang mga pinaaandar ng krudo at uling ay pansamantalang matigil sa pagbubuga ng usok sa himpapawid na sanhi ng global warming o pag-init ng klima ng mundo na nagbubunga naman ng climate change.

Isa sa mga bunga ng climate change ay pagkalusaw ng mga niyebe sa malalamig na bansa na nagdudulot ng pagtaas ng tubig sa dagat at nagpapalubog sa mga pamayanan sa tabing dagat, at nagsasanhi rin ng mga pagkakasakit ng mamamayan katulad ng nangyari kay Lola Momeng.

“Kailangang kumilos tayo ngayon upang mabigyang proteksyon ang mundo,” ani Dr. Mariano De Jesus, pangulo ng ng Bulacan State University (BulSU) na nagsilbing panauhing tagapagsalita sa pagsasagawa ng Earth Hour sa SM City Baliuag noong Sabado, Marso 31.

Hinikayat niya ang bawat isa na makiisa upang matiyak na ang mundo ay ligtas para sa susunod na salinlahi.

“Let us put our hands together to save the Mother Earth, because unless we move, no one will move,” ani De Jesus.

Inayunan din ito nin Kinatawan Joselito Mendoza ng ikatlong distrito ng Bulacan at Mayor Arnel Mendoza ng Bustos, na katulad ni De Jesus ay kapwa lumahok sa taunang kampanya sa SM Baliuag.

Ipinaliwanag naman ni Gob. Wilhelmino Alvarado na ang pangangalaga sa kalikasan ay hindi lamang isang respobsibilidad ng kasalukuyang henerasyon, sa halip ay utang sa susunod na salinlahi.

“Minana natin ito sa ating mga ninuno, kailangang matiyak nating pakikinabangan at iingatan din ito ng susunod na salinlahing Bulakenyo,” ani ng gobernador sa kanyang lingguhang palatuntunan sa DWSS Radio noong Sabado ng umaga.

Iginiit pa niya na patuloy ang pamahalaang panlalawigan sa pangangalaga sa kalikasan at inihalimbawa niya ang pagpatibay sa oridinansang nagbabawal sa paggamit ng plastic sa Bulacan, at ang pagpapasara sa kumpanyang naglulusaw ng lumang gulong sa mga bayan ng Guiguinto at Angat sa nagdaang buwan.

Para naman kay Arkitekto Andrew Cristobal, ang mall manager ng SM City Baliuag, sila ay nakikiisa sa mga programang pangkalikasan ng kapitolyo.

Bilang patunay, binanggit niya ang ilan sa kanilang mga programa na kinabibilangan ng pagsasagawa ng Green Retail Agenda na humihikayat sa mga negosyante sa mall na proteksyunan ang kalikasan; no plastic policy na nagbabawal sa paggamit ng mga plastic cup at plastic plates sa food court ng mall.

Bukod dito, ipinagmalaki rin ni Cristobal ang kanilang trash to cash program kung saan ang mga basurang mareresiklo ay kanilang binibili; at ang pagsasagawa ng Green Film Festival na napanood ng mahigit sa 500,000 mag-aaral sa mga paaralang pampubliko ng libre.

Ayon kay Cristobal, ang Green Film Festival ay naglalayon na mapalawak ang pag-unawa sa kahalagahan ng pangangalaga sa kalikasan.

Bilang pangunahing mall sa bansa, sinabi niya na ang SM Supermalls ay naninindigan para sa pagpapanatiling ligtas ang kalikasan, at isang halimbawa ay ang pakikiisa ng 46 nilang sangay sa bansa kabilang ang apat nilang mall sa Tsina.

“SM Supermalls are committed to sustainable business and we dedicate these programs to preserve the environment, that’s why we are joining the Earth Hour Campaign,” ani Cristobal.

Binigyang diin niya na ang kampanyang Earth Hour ay naghahatid ng isang malinaw na mensahe na hindi imposibleng mailigtas ang mundo lalo na kung magkakaisa ang mga mamamayan.

Batay sa pahayag ni Cristobal, mahigit 1-bilyon katao sa mundo mula sa mahigit na 6,000 lungsod t bayan ang nakiisa sa kampanyang Earth Hour.

Ang kampanya ay nagsimula sa Lungsod ng Sydney sa Australia sa pangunguna ng World Wildlife Fund (WWF) for Nature, anim na taon na ang nakakaraan.

Sa kasalukuyan, ang Earth Hour ay ang pinakamalawak na kampanyang pangkalikasan sa mundo, at ang Pilipinas ay isa sa mga bansa kung saan ay marami ang lumalahok na samahan.

Gayunpaman, nananatiling maliit ang partisipasyon ng mga pamilyang Pilipino partikular na sa Bulacan sa taunang kampanya.

Para sa mga environmentalist sa lalawigan, ito ay dahil sa di aktibong pakikilahok ng mga pamahalaang lokal at kawalan ng inisyatiba na mula sa mga alkalde para hikayatin ang kanilang mga kababayan na magtipid sa kuryente.

Sa mas naunang panayam, sinabi ni Bro. Martin Francisco ng Sagip Sierra Madre Environmental Society (SSMES) na lubhang mahalaga ang papel ng mga pamahalaang lokal sa kampanyang pangkalikasan.

“Nakahandang sumunod ang mga tao, kung may mangunguna at may makikitang magandang ehemplo,” aniya.

Para kay Dr. Rosa Perez, isa sa mga dalubhasang Pilipinong kasapi ng Inter-Governmental Panel on Climate Change (IPCC), hindi maisasantabi ang banta ng climate change sa mga mamamayang nakatira sa mga babaying dagat.

Batay sa kanyang pag-aaral, halos 50-milyong Pilipino ang nakatira sa mga 32,400 kilometrong baybaying dagat ng bansa.

Katulad ni Lola Momeng, nais din ng mga mamamayan sa tabing dagat na lumipat, ngunit kapos sila sa pananalapi.

“Gusto naming lumipat, pero kapos na kapos din kami,” ang may lungkot na sabi ni Lola Momeng pinagmamasdan ang silong ng bahay kung saan niya pinalaki ang kanyang siyam na anak.

Dahil sa gipit na kalagayan at hindi magawang lumipat ng tirahan, itinaas na nina Lola Momeng ang mga gamit sa silong ng bahay upang hindi lumubog at mabasa sa high tide.

Limitado rin ang espasyo na kanilang ginagalawan sa bahay, at ang matitinis na tinig ng mga apo na dati ay naglalaro doon ay naitulak papalayo ng regular na pagtaas ng tubig.

Sa kasalukuyan, tanging ang binatang anak na si Ogie ang kasama ni Lola Momeng sa bahay, samantalang ang kanyang mga apo na naghahatid ng dagdag na ligaya ay dumadalaw paminsan-minsan.

“Dito ako isinilang, mukhang dito na rin ako ako aabutan ng takipsilim,” ani Lola Momeng habang pinapahid ang luhang bumalong sa gilid ng mata